სუნთქვის ტექნიკები შფოთვისა და პანიკის საწინააღმდეგოდ

სუნთქვის სავარჯიშოები სწრაფი, ეფექტური და მარტივი გამოსავალი შეიძლება იყოს სტრესის, შფოთვისა და პანიკის შესამცირებლად. შესაბამისმა სუნთქვითმა ტექნიკამ ფსიქოლოგიურ დონეზე შესაძლოა იმუშაოს, რადგან ის ამცირებს გულის ცემის სიჩქარეს, რაც სტრესისა და შფოთვის შეწყვეტას იწვევს. ინტერნეტ სივრცეში უამრავი წიგნი, სტატია, რეკომენდაცია და მასალა არსებობს სხადასხვა ტიპის მედიტაციებსა და მათ შედეგებზე, მაგრამ ჩვენ ვეცადეთ რომ ყველაზე მეტად გავრცელებულ ტექნიკებზე გვესაუბრა.

მარტივი სუნთქვითი მედიტაცია

სუნქთვითი ტექნიკები არ მოითხოვენ განსაკუთრებულ სირთულეებთან შეჭიდებას. ეს მარტივი ტექნიკა ერთ-ერთი ყველაზე პოპულარული მეთოდია შფოთვის შესამცირებლად. ამ მეთოდში კონცენტრაცია ხდება ამოსუნთქვაზე, რომელიც

აუცილებლად ნელი უნდა იყოს. ასევე მნიშვნელოვანია დიდი ყურადღება არ მივაქციოთ ჩასუნთქვის პროცესს. დროთა განმავლობაში ამოსუნთქვაზე კონცენტრაციით მისი დრო და ხანგრძლივობა გაიზრდება, რაც ჩასუთქვის დროის ზრდას ბუნებრივად გამოიწვევს.

ეცადეთ, რომ თქვენი ამოსუნთქვის პროცესი ნელი, სტაბილური და ნაზი გახადოთ. ზოგიერთ ადამიანს ბუშტის ჩაფუშვის წარმოდგენა შველის. სუნთქვის პროცესში შეგიძლიათ სხეულის იმ ნაწილებზეც კონცენტრირდეთ, სადაც დაძაბულობას გრძნობთ და ამოსუნთქვასთან ერთად ეცადოთ, რომ ამ დაძაბულობისგან გათავისუფლდეთ.

ღრმა სუნთქვა, თუ ნელი სუნთქვა?

ბევრ ადამიანს ჰგონია, რომ ღრმად სუნთქვა უფრო მეტად ეფექტურია, ვიდრე ნელი სუნთქვა. თუმცა ჩვენი რეკომენდაციით ნელი სუნთქვის ტექნიკას გირჩევდით, რადგან ის მარტივი დასასწავლია და მარტივი გარდასაქმნელია ჩვევად. ნელი სუნთქვისას მთელი სხეული დუნდება და სტრესის დონე მალე ეცემა. ხშირად, ღრმა სუნთქვის ტექნიკის გამოყენებისას ან დასწავლისას მთელი კონცენტრაცია ჩასუნთქული ჰაერის მასაზე მიდის, რაც სხეულის სხვა ნაწილებზე კონცენტრაციას რთულს ხდის.

უფრო მეტად აქტიური სუნთქვის მეთოდი

არსებობს სუთქვის უამრავი სხვა მეთოდიც, მაგრამ ერთ-ერთი მათგანი ნესტოების სელექციურ ჩაკეტვასთანაა კავშირში. რისთვისაც საჭიროა რომ ერთ-ერთი ნესტო თითით დავფაროთ და მეორედან შევისუნთქოთ, რის შემდეგაც პირიქით უნდა მოვიქცეთ და საპირისპირო ნესტოს დაფარვითა და მეორე ნესტოს გათავისუფლებით ჰაერი ამოვისუნთქოთ.

ეს მეთოდი გვეხმარება ყურადღება სხვა რამეზე გადავიტანოთ, როდესაც პანიკის ან შფოთვის შეტევას განვიცდით, რაც თავისთავად სტრესსა და დაძაბულობას ამცირებს და მძიმე და ინტენსიურ ემოციებთან გამკლავებაში გვეხმარება.

როგორ გავიგოთ რამდენად წარმატებულია ჩვენთვის სუნთქვითი ტექნიკები?

ამ კითხვაზე პასუხის მიღება ძალიან ადვილია. ერთი, შეგიძლიათ უბრალოდ ემოციურ დონეზე მიხვდეთ რამდენად მუშაობს რომელიმე სუნთქვითი ტექნიკა, ან თანამედროვე ტექნოლოგიები გამოიყენოთ. შეგიძლიათ თქვენს ტელეფონში პულსის საზომი მარტივი აპლიკაცია ჩამოტვირთოთ და დააკვირდეთ. ჩასუნთქვისას პულსი იზრდება, ამოსუნთქვისას_პირიქით. თუ შფოთვას ან პანიკას განვიცდით, ჩვენი გულის ცემა 90-ი მაინცაა წუთში, რაც დაწყნარებაში ხელს შეგვიშლის. შესაბამისად, შეგიძლიათ გამოიყენოთ რომელიმე სუნთქვითი ტექნიკა და დააკვირდეთ მუშაობს თუ არა, ის თქვენთვის.

თუ ისე აღმოჩნდება, რომ არცერთი ეს მეთოდი თქვენთვის არ მუშაობს, ამაში ტრაგედიას ნუ დაინახავთ. პანიკის შეტევბთან გასამკლავებლად სხვა უამრავი მეთოდი და საშუალება არსებობს, რომელიც შესაბიმისი პროფესიონალის ჩარევით შეგიძლიათ მიიღოთ.